前幾日睇新聞，有個英國人自己喺法羅群島camping,之後失蹤左幾日，喺星期二終於搵返佢的屍體。又記得幾個月前，有兩個遊客喺著名景點saksun 行山的時候，其中一人唔小心跣腳，佢即時反應就係捉住左佢個friend,兩人雙雙跌落山，最後一死一重傷。對於遊客黎講，如果唔熟悉法羅群島山勢都幾危險。但我稱法羅群島的人為「大地之子」，點解呢？如果你同佢地行過一次山就會知。呢度行山同香港行山完全兩回事，呢度的山路係無好似香港咁有條行山徑，係直接行係草地上，與羊隻為伍，而且所有山有斜又高，呢度又經常落雨，山路好多泥濘同好滑，稍有不慎就跌落街係咁先。所以我第一次喺呢度行山的時候，行得好慢，而且基本上係好似動物咁用四隻腳黎行，盡量將自己重心靠低，手腳並用，非常狼狽。而法羅群島人呢？佢地簡直如履平地，當我著住專業行山街的時候，佢地著住addidas 波鞋都行得快我9條街。
以下我想同大家分享去年聖誕節差點命喪Saksun的故事。
Search